Na Hus  Sprok Geschichten Dei Wettlop twischen den Hos und den Swinägel
|
|
Dei Wettlop twischen den Hos und den Swinägel |
|
|
|
|
Schräben von Ruth Helm
|
|
Sieh 1 von 4 Dat Original von de Grimm-Breure, hier in de von Ruth Helm bearbeitete Version. Dat Theotestück wur 1999 up de Reuterfestspille in Stavenhogen upführt und hett dohr de "Reutertruhe" gewunn - den iersten Platz.
De Wettlop twischen den Hos un den Swinägel
Überarbeitet von Ruth Helm
Ein lüttes Theotestück för Kinne üm de teigen Johr
Swinägel kümmt up de Bühn, dett sich up ne Bänk und hojohnt.
Swinägel: Uaaa , wat is dat för´n wunneborn Dach.
Swinägelfru setzt sich zu ihm, Kinder ebenfalls
Fru: Wieso büst du denn all up? Du lichst doch süst bit Merrach in´n Bä?
Swinägel: Fru, schnack hier nich mall rümm.
Kümmer die üm unse Görn!
Ick goh nu up denn Acker, na de Reuben kieken.
Wie mütten jo endlich eis seihn, dat wie denn Keller för’n Winter full kriegen.
Fru: Ha, Kinnings hemm ji dat hürt? Juge Vadder will arbeiten!?
Jo, is gaud! Kiek und seih du man na de Reuben! Tschüß ok!
Kinne:Tschüß Vadding! Tschüßi!
Swinägel küsst siene Fru taun Afschied. Beide winken. Sei geiht mit de Kinne von de Bühn, hei up dat Reubenfeld.
Swinägel: sprekt mit sich sülben:
Swinägel: Hach wat’ne dicken Reuben. Nee wat’ne dicken Reuben. Oh manning, die warn uns schmecken.
Hos kümt up dat Geld hoppelt, knabbert an de Reuben und beide stöten mitn Mors tosomm und vefiern sich.
Hos: Ah
Swinägel: Ah
Hos: Schwinägel!! (boßhaft)
Swinägel: Ick wünsch di ein’n schönen gauden Moigen! Gevatter.
Hos: Schwinägel, wat deist du hier up min Feld? Und latscht mit dine Daggelbein mine ganzen Reuben breit?
Swinägel: Wat is dat för ein herrlichen Dach. An so ein Dach will ick mi nich argen.
Hos: Schwinägel, hest du keine Urn in’n Kopp? Dat sünd mine Reuben!
Sei tau, dar du mit dine Stummelbein Land gewinnst!
Swinägel: Wat heit hier Stummelbein? Ick glöw mine lütten Stummelbein könn schneller lopen as dine! Schlappur!
Hos: Sech nich Schlapur tau mi!
Swinägel: Schlappur, Schlappur. Ick kann schneller lopen as du.
|
|
