Sage von der Entstehung "Hiddensees"

Vetelle:"Wet eigentlich ein von juch, wur ans Hiddensee
entstohn is?! Nee?? Na, ick will juch dat man eis
vetelln.
Dor geef dat eis ein Dörp inn Nurd- Westen von Rügen.
Dor läwte ne ganz rieke öwe giezige Olsch. Ick glöw
dat wir Fru Hidden. Dei wir so giezig, dat sei ehren
eigenen Söhn rute schmäten hätt, bloß weil dei ne
arme Diern heurat het.
Sei hät äbend keinen Minschen wat günnt.
Nu kehm dor eis 'n Mönch na dit Dörp un kloppt ok an
de Dör von Mudder Hidden":

Mudde Hidden sitt an' Disch und bestaunt ehren Schmuck.
De Mönch kümmt und kloppt anne Dör
Mudde Hidden vefiert sich und vesteckt ehre Schatull up ehren Staul und sett dich bobenupp.

Mönch: "Tach ok"

Fru Hidden: "Tach"
Sei vedreicht de Ogen und secht tau sich sülbst: "Wat will dei denn von mie"

Mönch: "Gaude Fru, ick bünn all denn ganzen Dach up
de Bein. Kann ick woll bi enn öwe Nacht 'n Bett
kriegen? Un min Mogen hängt mie ock all inne
Kneikählen, wenn ick noch wat tau äten kriegen kann,
denn wart de leiwe Gott juch dat riecklich
torügäbn".

Fru Hidden: "Ach du leiwe Tied! Na, dat kunn mi groa noch
fählen. Ick häw worhawtigen Gott sülbst nich nauch
tau bieten. Nee, mien Kirl dat kann nix wardn, goh du
man wiede. Mine Nowesch, dei kann die helpen".

Mönch geiht an sienen Platz.
Mudde Hidden nimmt de Schatull und sett sich up ehren Platz.