Na Hus  Sprok Geschichten Woans Hiddensee entstonn is
|
|
Woans Hiddensee entstonn is |
|
|
|
|
Schräben von Ruth Helm
|
|
Sieh 3 von 4
Vetelle:"Un nu füng sei an, denn Stoff aftaumäten un sei mät,
un mät, un mät un de Stoff nehm kein End, denn ganzen
Dach nich, bet dat ganze Hus full Klederstoff wier".
Schwiegerdochte:
"Ick glöw, nu hett unse Not 'n End. Wenn wie dat all
veköpen, denn sün wi jo binah riek"!
Schwiegedochte nimmt Ell und Stoff und geiht an ehren Platz.
Vetelle:"In so'n Dörp blicht ja nix geheim, dat weiten wie ja.
As nu Mudder Hidden von all denn Sägen hürte, don wir
sei ganz schön vergniesgnaddelt, ja, wirklich,
richtig echt giftig, wir sei!
Öwe wie dat so is, dei Mönch kem doch noch eis dörch
dat Dörp, op sien Rühwech. Un dor ging sei üwer inne
Gang, un jochte em achter an, dat kann ick juch
seggn"!
Dei Mönch geiht langsam öwe de Bühn.
Mudde Hidden johcht em prustend achtean und is ut und tauend, fott em anne Hand, ritt im retur ann Disch und drückt em up denn Staul.
Fru Hidden: "Hach, gauden Dach, mien leiwen Herr kummt man glicks
na mie na Hus. Ick bünn gisten nich so op'n Posten
wäst und hew mie so molum fäult, ick glöw, ick wir
woll richtig 'n bäten krank un nich ganz bi mie,
dorüm will ick juch bitten, mie nich bös to sin, un
bliewt, jie man hüt hier"
Während sei vetellt packt sei n Korv mit fiene Soken ut: Mettwusst, Äppel und Appelsinen.
Fru Hidden: "Un hüt Nacht könn jie sogor in mien Bett slopen"
Sei bringt innt Bäh, deckt em tau und sett sich sülben ann Disch taun schlopen.
Vetelle: "Un so schietfründlich ging dat den ganzen Obend.
In Wirklichkeit kunn sie gornich denn nächsten Dach
aftäuben, weil sei jo denn ok up 'ne Belohnung
räken de. Dorüm weckt sei em den nächsten Moin ganz
tierig op".
|
|
