De Süder - Twei Wochen online

"De Süder" in Niegendörp up Hiddensee: Twei Drei VierWochen online!

Nu sünd dat all vierWochen...uns so langsam nimmt do Kohn uk Fohrt up. Öwe nu lähnt juch nich retur: Langsam heff ik secht. Von mi ut könn wi ruhich noch bäten Fohrt upnemm, damit dat klor is!

Einiges is passiert in de letzten Dohch: Ierst is de Dampe fohrt, denn werre nich, nu fohrt hei werre öwe wat nu moigen is, dat weiten wi an und för sich ganz genau ierst öwemoigen.

Und ganz näbenher is uk hier, up "De Südersieh" einiges passiert. Schön Dank för de ganzen Bille, dei ji so schickt hemm. Dei mütt ik natürlich ierst eis sülben in Rauh ankieken und noch bäten an rümschruben, und denn loh ik dei uk hoch. Also mokt mi man kein Ajge und seid nich gliek ingeschnappt, wenn dei nich in fief Minuten tau sein sünd: Dat sall jo uk aals orich mokt wahn und denn brukt dat äben eis bäten länger.

Ik mohk so fix ik kann, öwe ik bün uk bloss 'n Minsch!

Nu is dat mit de Bille jo uk sohne Sohk - wat denn einen siehn Uhl sech ik bloss.

Und wenn Du nu denkst: "Ach, dat is jo gor kein Nachtigalln-Bild von mi, dat müt hier wech!", denn löpt dat so:

1. Ruhich bling.
2. Uns nich veklogen. Ganz wichtich: Nich veklogen.
3. Kort öweleng: "Bün ik dat? Orre kunn dat doch ein annen sinn?"
4. Kort öweleng: "Müt dat hier wech? Orre kann dat eigentlich hier bling?"
5. Wenn drüttend und viertens mit "Jo" Schrief an Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann. , Artikel und Bild nich vegäten, denn nähm ik dat rut.

Dat wier öwe noch nich aals: De iersten heiten diskussionen hemm wi uk all hat inn't Forum. Dat freucht mi, und ik micsch uk giern eis mit. Öwe ümme an denken: Vör "unne de Gürtellinie" bün ik hier tauständich, also ümme schön de Finge in de eigene Büx beholln.

Und nu: Ran an de Compjuters: Schickt Bille von de Feste, von Hiddensee und von aktuelle Soken ut Niegendörp; am Besten uk noch de Plakote - dor fählt uns jo noch wat.

Ji vemeiden Timme? Na denn man tau: Dat sall hier richtich afgonn: Wi wolln de Niegendörper Stuben hier rinnkriegen! Schickt man ne Mail an mi: Diese E-Mail-Adresse ist gegen Spambots geschützt! JavaScript muss aktiviert werden, damit sie angezeigt werden kann. ,denn kann ik dormit all eis anfang.

So, und nu öwe los!
Juge Husmeisting