Dat is Mählbrennsoos, und dor hürt bätn wat tau, wenn dei uk schmecken sall. In ne heite Pann watt dörchwossenen Speck (so hunnetföfftich Gramm) sinnlecht, dei mütt orich utbroden - manchmohl müt nöch n bäten Bodde dortau. Dorin wahn denn dei gewörpelten Zwiebeln dünstet, öwe nur ganz n lüttes Bäting, so dat dei nur ganz leich bruhn wahn, also passt bätn up, dei vebrenn ganz fix.

Achteann komm noch drei bit vier grode Läpel Mähl in de pann, denn imme schön ümrührn, dat dat uk orich dühste waat (ruhig bit kort fört anbrenn). Denn waat dat Inngebrennte mit heitet Wohde upgoten und schön dörchkokt - öwe ümme schön ümrürn!

Ganz ant End schön mit Päpe und Solt avschmecken und dortau Pölltüffel und Solthiering gäben. Und wenn einer mach, kann hei uk Salot dortau nemm.

 Loht juch dat schmecken !